خبيزات معمرين

خبيزات معمرين

السلام عليكم و رحمة الله و بركاته

موقع الحادكات يقدم لكم

خبيزات معمرين

الحشو: كفتة + بصل + قرع محكوك + جزر محكوك + إبزار + سكنجبير+تحميرة + كامون + ملح + شوية صلصة الطماطم + فروماج أحمر محكوك

الطريقة : في مقلاة نشحر البصل مع الزيت حتى يدبال مزيان ثم نضيف الملح والتوابل نخلط مزيان ثم نضيف الكفتة ونفرتتها حتى تطيب

نضيف صلصة الطماطم تقريبا 4 م ك ونضيف الجزر والقرع ونغطي المقلة حتى تطيب الخضيرة إدا نشفت الحشوة قبل اما تطيب الخضرة نضيف شوية د الماء

الحشوة تتشرب مزيان وتنشف ونخليها تبرد

مقادير العجين : 500 غ دقيق + 2 م ك زيت زيتون + 2 م ك سكر + 1 م ك خميرة فورية + م ك حليب غبرة + ماء دافئ للعجن

نخلط جميع مقادير العجين حتى نحصل على عجينة لينة نتركها نرتاح

ثم نقطع قطع صغيرة حسب الحجم المرغوب

نطلق العجينة بشكل طولي ونوضع فالوسط القليل من الحشوة وفوقها القليل من الجبن

نغطي الحشوة بثلث العجين وبعدها بالثلث الآخر نجرحهم بموس

ونخليهم يخمرو مزيان

نذهن بالبيض ونرش زنجلان أو بافو وندخلهم لفرن مسخن من قبل على 200 ل 220 درجة وبالصحة والراحة

.